Мектеп бітірген түлектермен кездесу.

Кәсіптік бағдар беру — қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесуде, мақсатты атқарылатын жұмыс. Кәсіптік бағдар беру жұмысы жас ұрпақтың саналы түрде болашақ мамандығын қателеспей таңдауға мүмкіндік жасайды.

Мектебіміздің түлегі  «Алтын белгі» иегері, бірнеше дүркін олимпиада жүлдегері,  қазіргі таңда Л.Н.Гумилев атындағы Еуразия ұлттық университетінің журналистика және саясаттану факультетінің 4 курс студенті Сьезбек Айсәулемен кездесу болып өтті. Ол өзі таңдаған мамандығының қыр – сырын айтып берді. Сонымен қатар,  мамандықтардың түрі, ерекшелігі, маңызы мен мәні туралы түсінік берді.  Мамандыққа қойылатын талаптарға тоқталып,  дайындау барысындағы жасалатын жағдайларға, қабылдау ережесі туралы сөз қозғады.

Құрманғалиева Жанерке – 2018-2019 оқу жылының түлегі, ғылыми жобалардың жүлдегері, мектепте қоғамдық жұмыстарға белсене араласқан, қазіргі таңда  Чехия  мемлекетіндегі университетте информациялық бөлімде дәріс алуда.

Кездесу өз дәрежесінде өтті. Оқушылар ойларындағы сұрақтарды қойып, тыңғылықты жауаптар алды. Шетелде білім алудың қыр – сырын, оларға бару жолы, дайындықтың қаншалықты күнге алғандығы туралы сұрақтар қойылды.   Шетелге барып, білім алғысы келетін түлектер үшін бірінші кеңес – уақытты жүйелеп, тіл курсына жазылу керек. Курстан тыс, әлеуметтік желіге кететін уақытты интернеттегі тегін тіл сабақтарына жұмсаған абзал деп ойын аяқтады.