Құрметті сайт қонақтары!
Сіздерді дарынды балаларға арналған мамандандырылған мектеп-лицей-интернатының ресми сайтында көргенімізге қуаныштымыз!
Біздің білім ордасы – интеллектуалды әлеуеті жоғары, ел болашағына жауапты, жан-жақты дамыған тұлғаларды тәрбиелеуге бағытталған заманауи білім мекемесі. Мектепте білім беру мен тәрбиелеу үдерісі оқушылардың жеке қабілеттерін дамытуға, ғылыми-шығармашылық ізденістерін қолдауға және ұлттық құндылықтарға негізделген. Білікті де тәжірибелі педагогтарымыз әрбір оқушының бойындағы ерекше қабілетті танып, оны дамыту үшін жүйелі жұмыс жүргізеді. Біз ата-аналармен және серіктестермен тығыз байланыста жұмыс істей отырып, сапалы білім мен саналы тәрбие беруді басты мақсатымыз деп білеміз. Сайт беттерінен сіздер мектептің жаңалықтары, жетістіктері мен жобалары туралы толық ақпарат ала аласыздар.
Біз ынтымақтастық пен ашық диалогқа әрқашан дайынбыз!
Ізгі тілекпен,
Құлмағанбетова Жанар Тасболатқызы
№2 “Дарын” облыстық мамандандырылған мектеп-лицей-интернатының директоры
